點解倫敦？

教育文化

倫敦嘅優勢唔係「有好學校」，而係好學校密度非常高。

無論係政府學校、私校，定世界級大學，選擇集中而且交通方便。對重視學業成績嘅香港家庭嚟講，校網選擇多，風險自然低。其他城市都有好學校，但選擇面同集中度比較弱，揾樓彈性少。在2，3綫城市，要好的政府中學基本上地區會被局限。

學習除了在校園，整個環境也很重要，倫敦作爲國際都市，雖然間屋細左，但有更多文娛藝術活動。世界頂級的博物館（任何主題，從卡通到自然科學，航空，歷史，藝術）數量多以及多元化，加上衆多劇院，型型式式的表演刺激大腦。雖然間屋細左，但有更多文娛藝術活動。無論大小朋友，視野更廣。生活質素從另一層面看，更為豐富。

> 邊區校網好？

福利資源

NHS 全國都有，但倫敦專科醫院密度最高，例如兒科醫院 Great Ormond Street。私家醫療選擇亦最多。對帶埋父母移居嘅家庭嚟講，醫療配套其實係一個好重要嘅考慮。尤其倫敦相對用私家醫療的比例高，就算等公立，輪候時間亦比較可控。

福利另一驚喜的是Freedom Pass免費乘車證。居民滿66歲可申請 ，可以免費搭巴士，搭地鐵和搭倫敦範圍內鐵路。對退休長者嚟講，日常出行幾乎零成本。呢個好重要，老一輩通常都好節儉，英國出名搭車貴，宜家無左這個顧慮，讓他們更放心出門，對於在新地方結識朋友，投入本地生活非常重要。呢個安排喺其他城市未必有同樣規模。如果你係三代同堂家庭，呢一點其實好實際。

生活配套

香港過來的很多人其實都不會開車，倫敦公共交通比較發達，就算沒有車對於日常影響不大。生活節奏更接近香港，旺中帶靜選擇衆多。加上本身移民多，香港人社群成熟，亞洲超市選擇多，直航返香港也方便。

好多人以為倫敦生活成本一定高好多。其實扣除樓價，日常開支差距唔算誇張。連鎖超市全國定價基本一致。麵包價錢差唔多，牛奶差唔多，基本日用品差唔多，中餐價錢或一般大衆化場所消費亦差不多。真正差距主要係物業同部分交通區域票價。

保值潛力

資產價格所很多因素影響，但作爲一國之都，有一定商業就業支撐，通常租務，流動性，國際買家等都比較活躍。

當然過去10年外省升值更厲害，倫敦市中心不少樓盤其實係跌價。英國政府好多稅務相關政策加上地緣風波對豪宅打擊重大。不過呢類盤並唔係一般家庭杯茶。任何地方買樓最重要是Location地點。10年前作爲投資，外省係低水。以今日角度，樓價雖然絕對值還是低，但買家市場始終以本地需求為主，更受本土經濟發展影響，以收入比例比較，差別距離縮短。

對香港家庭嚟講，物業唔只係自住，更係資產配置。無論最終落脚邊度，一定要做足功課。

我們團隊服務倫敦和周邊城市，當然對首都有情意結。每個家庭有自己的情況，適合一個的不代表適合另一個。每個城市都有它的吸引力，其實不少本地人因爲樓價高離開倫敦北上，返回家鄉或2，3綫城市發展。我們建議倫敦第一個出發點是它是最接近香港生活的城市，對於在香港長大的，倫敦空間就算幾細，其實都比大家香港間屋大。加上外省生活，如果一家當中只有一個人開車，會有局限。 如果條數計得掂，絕對值得考慮。